ഹോമിയോ മെഡിക്കൽ ക്യാമ്പ് സംഘടിപ്പിച്ചു

കടയ്ക്കൽ 

സാമൂഹിക ഐക്യദാർഢ്യ പക്ഷാചരണത്തിന്റെ ഭാഗമായി സൗജന്യ ഹോമിയോ മെഡിക്കൽ ക്യാമ്പ് സംഘടിപ്പിച്ചു. ഇട്ടിവ പറയൻമൂല സി അച്യുതമേനോൻ ഗ്രന്ഥശാലയിൽ നടന്ന ക്യാമ്പ് ബ്ലോക്ക് പഞ്ചായത്ത് പ്രസിഡന്റ്‌ ലതികാ വിദ്യാധരൻ ഉദ്ഘാടനംചെയ്തു. പഞ്ചായത്ത് പ്രസിഡന്റ്‌ സി അമൃത അധ്യക്ഷയായി. ബി എസ് ബീന സ്വാഗതം പറഞ്ഞു. ഡോ. ആർ സീമ പദ്ധതി വിശദീകരിച്ചു. ഹരി വി നായർ, ദിനേശ് കുമാർ, കെ ഉഷ, ജയന്തിദേവി, ബി ഗിരിജമ്മ, മെഡിക്കൽ ഓഫീസർ  ശ്രീജ എസ് നായർ, എസ് സോളി, ബി ബൈജു, കെ ലളിതമ്മ, കെ ശ്രീദേവി, ബേബി ഷീല, സിഞ്ചു എന്നിവർ സംസാരിച്ചു.