കോട്ടയം
ഭരണഭാഷാ വാരാഘോഷത്തിന്റെ ജില്ലാതല സമാപനച്ചടങ്ങ്‌ കലക്ടർ ജോൺ വി സാമുവൽ ഉദ്ഘാടനംചെയ്‌തു. വിവര-പൊതുജനസമ്പർക്കവകുപ്പിന്റെയും ജില്ലാ ഭരണകേന്ദ്രത്തിന്റെയും വിവിധ വകുപ്പുകളുടേയും നേതൃത്വത്തിൽ നടത്തിയ മത്സരങ്ങളിൽ വിജയികളായവർക്കുള്ള സമ്മാനവിതരണവും കലക്ടർ നടത്തി. വിവര-പൊതുജന സമ്പർക്ക വകുപ്പ് റീജണൽ ഡെപ്യൂട്ടി ഡയറക്ടർ കെ ആർ പ്രമോദ് കുമാർ അധ്യക്ഷനായി.അഡീഷണൽ ജില്ലാ മജിസ്‌ട്രേറ്റ് ബീന പി ആനന്ദ്, സംസ്ഥാന ഓഡിറ്റ് സീനിയർ ഡെപ്യൂട്ടി ഡയറക്ടർ സാബു സി ജോർജ്, ജില്ലാ ഇൻഫർമേഷൻ ഓഫീസർ എ അരുൺ കുമാർ, ജില്ലാ ലേബർ ഓഫീസർ മിനോയ് ജെയിംസ്, ജില്ലാ പട്ടികജാതി വികസന ഓഫീസർ എം എസ് സുനിൽ, ജില്ലാ ഇൻഷുറൻസ് ഓഫീസർ എം ബി മനോജ് കുമാർ, ജില്ലാ വനിതാ ശിശു വികസന ഓഫീസർ ടിജു റെയ്ച്ചൽ തോമസ്, അസിസ്റ്റന്റ് എഡിറ്റർ ഇ വി ഷിബു എന്നിവർ സംസാരിച്ചു.
ഇവർ ഒന്നാമത്‌
കഥാരചന: മിനി എസ് പോറ്റി(യുഡി ക്ലർക്ക്, ജിഎസ്ടി ഓഫീസ്). കവിതാരചന:ലക്ഷ്മി എസ് വിശ്വനാഥ്(സീനിയർ അസിസ്റ്റന്റ്, കെഎസ്ഇബി അതിരമ്പുഴ സെക്ഷൻ ഓഫീസ്). ഭാഷാപരിചയ പരീക്ഷ: എസ് സലിൽ കുമാർ(ഹെഡ് ക്ലർക്ക്, കലക്ടറേറ്റ്, റവന്യൂ വകുപ്പ്), ഷാഫി എം ഷംസ് (ജൂനിയർ സൂപ്രണ്ട്, കലക്ടറേറ്റ്, റവന്യൂ വകുപ്പ്). ‘ഒരു നിമിഷം' മലയാളം പ്രസംഗമത്സരം: ഏലിയാമ്മ ജോസഫ്(സീനിയർ ക്ലർക്ക്, റവന്യൂ വകുപ്പ്).
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
