പൂഞ്ഞാർ
സിപിഐ എം പൂഞ്ഞാർ ഏരിയ പ്രതിനിധി സമ്മേളനം കോടിയേരി ബാലകൃഷ്ണൻ നഗറിൽ (മേലുകാവുമറ്റം സെന്റ്‌ തോമസ് പള്ളി ഹാൾ) ബുധനാഴ്ച ആരംഭിക്കും. സമ്മേളനത്തിന് തുടക്കം കുറിച്ച്‌ പൊതുസമ്മേളന നഗറിൽ സ്വാഗതസംഘം ചെയർമാൻ അനുരാഗ് പാണ്ടിക്കാട് പതാക ഉയർത്തി.
ബുധൻ രാവിലെ ഒമ്പതിന് പ്രതിനിധികളുടെ രജിസ്ട്രേഷൻ. തുടർന്ന് പതാക ഉയർത്തലും പുഷ്പാർച്ചനയും. രാവിലെ 10ന് ജില്ലാ സെക്രട്ടറിയറ്റംഗം കെ എം രാധാകൃഷ്ണൻ പ്രതിനിധി സമ്മേളനം ഉദ്ഘാടനം ചെയ്യും.
ജില്ലാ സെക്രട്ടറി എ വി റസൽ, ജില്ലാ സെക്രട്ടറിയറ്റ് അംഗങ്ങളായ ടി ആർ രഘുനാഥൻ, ലാലിച്ചൻ ജോർജ്, സി ജെ ജോസഫ്, അഡ്വ. പി കെ ഹരികുമാർ, അഡ്വ. റെജി സഖറിയ, അഡ്വ. കെ സുരേഷ് കുറുപ്പ്, കൃഷ്ണകുമാരി രാജശേഖരൻ, ജില്ലാ കമ്മിറ്റിയംഗങ്ങളായ ജോയി ജോർജ്, രമ മോഹൻ എന്നിവർ പങ്കെടുക്കും. 11 ലോക്കലിൽ നിന്നായി 160 പ്രതിനിധികൾ പങ്കെടുക്കും.
പ്രതിനിധിസമ്മേളനം വ്യാഴാഴ്ചയും തുടരും. 29ന് വൈകിട്ട് നാലിന് ചുവപ്പുസേന മാർച്ച്, പ്രകടനം. തുടർന്ന് പൊതുസമ്മേളനം സീതാറാം യെച്ചൂരി നഗറിൽ(മേലുകാവ്മറ്റം) കേന്ദ്രകമ്മിറ്റി അംഗം പി രാജീവ് ഉദ്ഘാടനംചെയ്യും.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
