മുക്കം
വയനാട് ലോക്‌സഭ ഉപതെരഞ്ഞടുപ്പിൽ തിരുവമ്പാടി മണ്ഡലത്തിൽ മൂന്നിടങ്ങളിൽ വോട്ടിങ് മെഷീൻ തകരാറിലായതിനെ തുടർന്ന് അൽപ്പനേരം പോളിങ്‌ തടസ്സപ്പെട്ടു. മുക്കം നഗരസഭയിലെ മണാശേരി എംഎഎംഒ കോളേജിലെ 125-ാം നമ്പർ ബൂത്തിലെ പോളിങ്‌ മെഷീൻ രാവിലെ ഒമ്പതോടെ തകരാറിലായി. ഉദ്യോഗസ്ഥരെത്തി ഉടനെ പ്രശ്നം പരിഹരിച്ചെങ്കിലും പത്തോടെ വീണ്ടും തകരാറിലായി. പിന്നീട് മെഷീൻ മാറ്റിസ്ഥാപിച്ച് പത്തേമുക്കാലോടെ പോളിങ്‌ പുനരാരംഭിച്ചു.
കൂടരഞ്ഞി പഞ്ചായത്തിലെ പൂവാറംതോട് ഗവ. എൽപി സ്കൂളിലെ 86-ാംനമ്പർ പോളിങ്‌ ബൂത്തിലെ വോട്ടിങ് മെഷീൻ ഒരുമണിക്കൂറോളം പണിമുടക്കി. മുക്കം നഗരസഭയിലെ തോട്ടത്തിൻ കടവിലെ 101-ാം നമ്പർ ബൂത്തിലെ മെഷീൻ പോളിങ്‌ ആരംഭിച്ച സമയത്തുതന്നെ പണിമുടക്കി. ഒരുമണിക്കൂറിനു ശേഷമാണ് പുനഃസ്ഥാപിച്ചത്
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
