മലപ്പുറം
എടവണ്ണ നഗരത്തിലെ നാടുകാണി–പരപ്പനങ്ങാടി റോഡിൽ കുടിവെള്ള പദ്ധതിക്കെടുത്ത കുഴി മൂടിയില്ലെങ്കിൽ ഉദ്യോഗസ്ഥർക്കെതിരെ നടപടിക്ക് സർക്കാരിന് നിർദേശം നൽകുമെന്ന് മനുഷ്യാവകാശ കമീഷൻ.
പെരകമണ്ണ സ്വദേശി ടി ടി റിയാസിന്റെ പരാതിയിൽ കമീഷൻ ആക്‌ടിങ് ചെയർപേഴ്സണും ജുഡീഷ്യൽ അംഗവുമായ കെ ബൈജുനാഥിന്റേതാണ് ഉത്തരവ്. അപകടാവസ്ഥ ഒഴിവാക്കി റിപ്പോർട്ട്‌ നൽകാൻ ജല അതോറിറ്റി എക്സിക്യൂട്ടീവ് എൻജിനിയർക്ക് (പ്രോജക്ട് ഡിവിഷൻ, മലപ്പുറം) നിർദേശം നൽകി. റോഡ് പൂർവസ്ഥിതിയിലാക്കേണ്ടത് ജല അതോറിറ്റിയാണെന്ന് പൊതുമരാമത്ത് വകുപ്പ് അറിയിച്ചിരുന്നു. പ്രവർത്തനം പുരോഗമിക്കുന്നതായി ജല അതോറിറ്റിയും അറിയിച്ചു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
