പാലക്കാട്‌
സംസ്ഥാന ജൂനിയർ നെറ്റ്‌ബോൾ ചാമ്പ്യൻഷിപ്പിൽ പത്തനംതിട്ടയും കോഴിക്കോടും ജേതാക്കളായി. പെൺകുട്ടികളുടെ ഫൈനലിൽ പത്തനംതിട്ട പാലക്കാടിനെയും(11–-18) ആൺകുട്ടികളിൽ കോഴിക്കോട്‌ മലപ്പുറത്തെയും (19--–-11) തോൽപ്പിച്ചു. പാലക്കാടിന്റെ എസ്‌ ബി ബീന, കോഴിക്കോടിന്റെ സിനാൻ എന്നിവർ മികച്ച കളിക്കാരായി. പാലക്കാട്‌ ജില്ലാ നെറ്റ്‌ബോൾ അസോസിയേഷൻ വേലിക്കാട്‌ ആര്യനെറ്റ് ഗ്രൗണ്ടിലാണ്‌ മത്സരം സംഘടിപ്പിച്ചത്‌. സമാപനച്ചടങ്ങിൽ അസോസിയേഷൻ സംസ്ഥാന ജോയിന്റ് സെക്രട്ടറി എസ്‌ ശശിധരൻ നായർ അധ്യക്ഷനായി.
സംസ്ഥാന സെക്രട്ടറി എസ്‌ നജുമുദ്ദീൻ വിജയികൾക്ക് സമ്മാനങ്ങൾ നൽകി. ജില്ലാ സെക്രട്ടറി സത്യൻ, കൗൺസിൽ ഒബ്സെർവർ രാമചന്ദ്രൻ, സംസ്ഥാന ട്രഷറർ യു പി സാബിറ എന്നിവർ സംസാരിച്ചു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
