ശ്രീകൃഷ്ണപുരം > ഒഎംസി നാരായണന്‍ നമ്പൂതിരിപ്പാട് സ്മാരക ദേവീപ്രസാദം ട്രസ്റ്റിന്റെ 27ാമത് പുരസ്കാര സമര്‍പ്പണ സമ്മേളനം ഒളപ്പമണ്ണ മനയില്‍ ഡി ബാബു പോള്‍ ഉദ്ഘാടനം ചെയ്തു.
ടി പത്മനാഭന്‍(സാഹിത്യം), പ്രൊഫ. ഒ വത്സല(സംസ്കൃതം), പട്ടിക്കാട് മേലേടം കൃഷ്ണന്‍നമ്പൂതിരി(വേദം), കലാമണ്ഡലം രാംമോഹന്‍(കഥകളി) എന്നിവര്‍ക്ക് 1001രൂപയും ഫലകവുമടങ്ങുന്ന പുരസ്കാരങ്ങള്‍ ഡോ. ഒ എം അനുജന്‍ നല്‍കി. അനിത ഒളപ്പമണ്ണ, ഒ എംസി രാകേഷ്, ഒ എം രവി, ഒ എം സുരജ് എന്നിവര്‍ കീര്‍ത്തിപത്രം സമര്‍പ്പിച്ചു. എഴുത്തുകാരി സുമംഗല പുരസ്കാര അവാര്‍ഡ് നേടിയവരെ പരിചയപ്പെടുത്തി. ഡോ. പി കെ മാധവന്‍ അധ്യക്ഷനായി.
ടി പത്മനാഭന്‍, പ്രൊഫ. വത്സല, മേലേടം കൃഷ്ണന്‍ നമ്പൂതിരി, കലാമണ്ഡലം രാംമോഹന്‍, ഒ എം ഹരി, ഉമ ഒളപ്പമണ്ണ, ഒ വി നാരായണന്‍, ഓപ്പത്ത് ശിവരാമന്‍ എന്നിവര്‍ സംസാരിച്ചു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
