പാലക്കാട്
ഇന്ത്യനൂർ ഗോപിയുടെ ഒമ്പതാമത് അനുസ്മരണം ‘ഉന്നതവിദ്യാഭ്യാസരംഗം -ഭാവിയും ഭാവനകളും’ വിഷയത്തിൽ നാട്ടുവിചാരമായി സംഘടിപ്പിക്കും.
ഇതിനായി ജില്ലയിലെ ഹൈസ്കൂൾ, -ഹയർ സെക്കൻഡറി, -കോളേജ് വിദ്യാർഥികളിൽനിന്ന്‌ ചെറുകുറിപ്പുകൾ ക്ഷണിച്ചു. ചോദ്യരൂപത്തിലോ അഭിപ്രായരൂപത്തിലോ ഉള്ള ഒരു തലക്കെട്ടും അത് വിശദമാക്കുന്ന ഒരു ചെറുകുറിപ്പും ഡിസംബർ ഒമ്പതിനകം 9995892109 എന്ന നമ്പറിൽ വാട്സാപിലേക്കോ bharathappuzhasamithi@gmail.com എന്ന ഇ-മെയിൽ വിലാസത്തിലേക്കോ അയക്കാം. കൺവീനർ, അനുസ്മരണസമിതി, ശബരി പിടിബി സ്മാരക ഹയർ സെക്കൻഡറി സ്കൂൾ, അടയ്‌ക്കാപുത്തൂർ (പിഒ), ചെർപ്പുളശേരി, പാലക്കാട് 679503 വിലാസത്തിലേക്ക്‌ തപാലായും അയക്കാം.
പൂർണവിലാസവും ഫോൺ നമ്പറും സ്കൂൾ/കോളേജ് സംബന്ധിച്ച വിവരങ്ങളും കുറിപ്പിനൊപ്പം രേഖപ്പെടുത്തണം. ഒരാൾക്ക് വ്യത്യസ്ത വിഷയങ്ങളിലായി ഒന്നിൽ കൂടുതൽ കുറിപ്പുകൾ അയക്കാം. മികച്ച കുറിപ്പിനുള്ള പുരസ്കാരം ഡിസംബർ 22ന് അടയ്‌ക്കാപുത്തൂരിൽ നടക്കുന്ന ഇന്ത്യനൂർ ഗോപി അനുസ്മരണ പരിപാടിയിൽ സമ്മാനിക്കും. ഫോൺ: 9995892109.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
