പത്തനംതിട്ട
വിജ്ഞാന പത്തനംതിട്ട, ഉറപ്പാണ് തൊഴില്‍ പദ്ധതി -തിരുവല്ല മാര്‍ത്തോമാ കോളേജുമായി സഹകരിച്ച് സംഘടിപ്പിക്കുന്ന നാലാമത്തെ ജോബ് എക്സ്പോ 16ന്. എസ്എസ്എല്‍സി, പ്ലസ് ടു, ഐറ്റിഐ, ഡിപ്ലോമ, ഡിഗ്രി, പോസ്റ്റ് ഗ്രാജുവേഷന്‍, എൻജിനീയറിങ്ങ്, നഴ്സിങ്, മാനേജ്‍മെന്റ് തുടങ്ങി എല്ലാ തൊഴിലന്വേഷകര്‍ക്കും ജോബ് ഡ്രൈവില്‍ തൊഴിലവസരം സാധ്യമാക്കിയിട്ടുണ്ട്. ഡിഡബ്ല്യുഎംഎസ്‌ പോർട്ടലിൽ രജിസ്റ്റർ ചെയ്യുകയും തൊഴിൽമേളയിൽ പങ്കെടുക്കുന്ന ഏതെങ്കിലും കമ്പനിയുടെ ഒരു തസ്തികയിലേക്കെങ്കിലും കുറഞ്ഞത് അപേക്ഷിക്കുകയും ചെയ്തവര്‍ക്കാണ് മേളയിൽ ഇന്റര്‍വ്യൂവില്‍ പങ്കെടുക്കാന്‍ സാധിക്കുക. തുടര്‍ന്നുള്ള തൊഴില്‍ മേളയിലും പങ്കെടുക്കുന്നതിന് വേണ്ടി തൊഴിലന്വേഷകര്‍ പോർട്ടലിൽ രജിസ്റ്റർ ചെയ്യാനും അനുയോജ്യമായ തസ്തികയിലേക്ക് അപേക്ഷിക്കുന്നതിനുമായി ജില്ലയിലെ എല്ലാ പഞ്ചായത്തിലേയും വിവിധ കേന്ദ്രങ്ങളില്‍ രജിസ്ട്രേഷന് ക്യാമ്പുകള്‍ സംഘടിപ്പിക്കുന്നുണ്ട്.
സ്വകാര്യ കമ്പനികളിലേക്കുള്ള തൊഴിലന്വേഷകരുടെ തിരഞ്ഞെടുപ്പിന് മുന്നോടിയായി നടക്കുന്ന അഭിമുഖത്തിന് തൊഴിലന്വേഷകരെ സജ്ജമാക്കുന്നതിന് വേണ്ടി ഹ്രസ്വ പരിശീലനം പഞ്ചായത്ത് തലത്തില്‍ തന്നെ നടത്തുന്നതിനുള്ള ഓറിയന്റേഷന്‍ ക്ലാസ്സുകളും സംഘടിപ്പിക്കുന്നുണ്ട്. പോർട്ടലിൽ രജിസ്റ്റർ ചെയ്യുന്നതിനും അനുയോജ്യമായ തസ്തികയിലേക്ക് അപേക്ഷിക്കുന്നതിനുമായി ജില്ലയിലെ അഞ്ച് ജോബ് സ്റ്റേഷനുകളിലും ക്രമീകരണങ്ങള്‍ നടത്തിയിട്ടുണ്ട്. തിരുവല്ല (പുളിക്കീഴ് ബ്ലോക്ക് പഞ്ചായത്ത് ഓഫീസ്‌)-: 8714699500, ആറന്മുള (കോഴഞ്ചേരി പഞ്ചായത്ത് ഓഫീസ്‌)-: 8714699495, കോന്നി (സിവില്‍ സ്റ്റേഷന്‍): -8714699496, റാന്നി (റാന്നി ബ്ലോക്ക് പഞ്ചായത്ത് ഓഫീസ്‌):- 8714699499, അടൂർ (പറക്കോട് ബ്ലോക്ക് പഞ്ചായത്ത് ഓഫീസ്‌)-: 8714699498.
രജിസ്ട്രേഷന്
കോന്നിയില്‍
പത്തനംതിട്ട
വിജ്ഞാന പത്തനംതിട്ടയുടെ ഭാഗമായി 16ന് നടക്കുന്ന മെഗാ ജോബ് ഫെയറിലേക്കുള്ള രജിസ്ട്രേഷൻ പതിനൊന്നിന് കോന്നിയില്‍ നടക്കും. തിങ്കൾ പകല്‍ 11ന് കോന്നി എസ്എൻഡിപി യോഗം കോളേജിലാണ് പരിപാടി. പത്താം ക്ലാസ്‌ മുതൽ യോഗ്യതയുള്ളവർക്ക് വേണ്ടി വൻ അവസരങ്ങളാണ് തൊഴിൽമേളയിൽ ഉണ്ടാവുക. ഫോൺ: 87146 99496.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
