കാട്ടാക്കട
കോട്ടൂർ ദീപാലങ്കാര കൂട്ടായ്മയുടെ പന്ത്രണ്ടാമത് ഓണം- ടൂറിസം വാരാഘോഷം 14 മുതൽ 16 വരെ കോട്ടൂർ ജങ്‌ഷനിൽ നടക്കും. 14ന് രാവിലെ ഒമ്പതിന്‌ പ്രകൃതീയം ഗ്രാമചന്ത കൃഷി ഓഫീസർ ബാലചന്ദ്രൻ നായർ ഉദ്ഘാടനം ചെയ്യും. പകൽ 2 മുതൽ കോട്ടൂരിലെ ഭിന്നശേഷി കൂട്ടുകാർക്കായുള്ള ഓണക്കിറ്റ്- വിതരണം. പകൽ മൂന്നിന്‌ ഓണക്കിറ്റ് വിതരണം ആർ കെ ഗ്രൂപ്പ് ഉടമ കുറ്റിച്ചൽ രാധാകൃഷ്ണൻ ഉദ്ഘാടനം ചെയ്യും. വൈകിട്ട്‌ അഞ്ചിന്‌ കോട്ടൂർ ഇക്കോ ടൂറിസം ഫെസ്റ്റിന്റെ ഉദ്ഘാടനവും പുരസ്കാര സമർപ്പണവും നിയമസഭാ സെക്രട്ടറി ഡോ. എൻ കൃഷ്ണകുമാർ നിർവഹിക്കും. രാത്രി 7 മുതൽ ശലഭവർണം. അഗസ്ത്യന്റെ പൂമ്പാറ്റകൾ അവതരിപ്പിക്കുന്ന പരിപാടികൾ.
15 വൈകിട്ട്‌ 6.30 മുതൽ തോലാട്ടം, വനിതാ ശിങ്കാരിമേളം. 7.30 മുതൽ നാട്യവിസ്മയം കോട്ടൂർ ഗീതാഞ്ജലി ഡാൻസ് അക്കാദമി അവതരിപ്പിക്കുന്ന ഡാൻസ് പ്രോഗ്രാം. 16ന് വൈകുന്നേരം 6.30ന് ഇശൽ നിലാവ് –-ദഫ് മുട്ട്,ഒപ്പന, മാപ്പിളപ്പാട്ടുകൾ. രാത്രി 7. 30ന് വീരനാട്യം തിരുവനന്തപുരം നൃത്തനാട്യ അവതരിപ്പിക്കുന്ന തിരുവാതിര- കൈകൊട്ടിക്കളി എന്നിവ ഉണ്ടായിരിക്കുമെന്ന് സംഘാടകസമിതി അറിയിച്ചു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
