ചാലക്കുടി
അനധികൃത മദ്യവില്പന നടത്തിയയാളെ ചാലക്കുടി എക്‌സൈസ് ഇൻസ്‌പെക്ടർ അനീഷ്‌കുമാർ പുത്തില്ലൻ അറസ്റ്റ് ചെയ്തു. പരിയാരം കാഞ്ഞിരപ്പിള്ളി പൊയ്യക്കാരൻ വേലായുധൻ(56)ആണ് അറസ്റ്റിലായത്. എക്‌സൈസിന് ലഭിച്ച രഹസ്യ വിവരത്തെത്തുടർന്ന് നടത്തിയ അന്വേഷണത്തിലാണ് പ്രതി പിടിയിലായത്. കാഞ്ഞിരപ്പിള്ളിയിലെ വീടിന് മുന്നിൽ മദ്യം വില്പന നടത്തുന്നതനിടെ എക്‌സൈസ് സംഘം കയ്യോടെ പിടികൂടുകയായിരുന്നു. മദ്യക്കുപ്പികൾ സഞ്ചിയിലാക്കി ആവശ്യക്കാർക്ക് എത്തിച്ച് കൊടുക്കുന്നതാണ് ഇയാളുടെ രീതി. പ്രതിയുടെ വീട്ടുപറമ്പിലെ കോഴിക്കൂടിനടിയിൽ പ്ലാസ്റ്റിക് ചാക്കുകളിലാക്കി സൂക്ഷിച്ചിരുന്ന അരലിറ്ററിന്റെ 24 കുപ്പി വിദേശമദ്യവും എക്‌സൈസ് പിടിച്ചെടുത്തു. അസി.എക്‌സൈസ് ഇൻസ്‌പെക്ടർമാരായ കെ എൻ സുരേഷ്, ജെയ്‌സൺ ജോസ്, സിവിൽ എക്‌സൈസ് ഓഫീസർമാരായ ടി ആർ രാകേഷ്, ജെയിൻ മാത്യു, വനിത സിവിൽ എഖ്‌സൈസ് ഓഫീസർ പിങ്കി മോഹൻദാസ് എന്നിവരും അന്വേഷക സംഘത്തിലുണ്ടായിരുന്നു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
