ഏങ്ങണ്ടിയൂർ
പൊലീസ് ഉദ്യോഗം ഉപേക്ഷിച്ച ഏങ്ങണ്ടിയൂർ സ്വദേശി ബിജു ആന്റണി കായിക അധ്യാപക രംഗത്ത് വേറിട്ട മുഖമാണ്. ഏങ്ങണ്ടിയൂർ സെന്റ്‌ തോമസ് ഹയർ സെക്കൻഡറി സ്കൂളിൽ പഠിക്കുന്ന കാലം മുതൽ കായിക താരമായിരുന്നു ബിജു.
വിദ്യാർഥികളെ സ്കൂൾ ഗ്രൗണ്ടിൽ നിന്ന് പ്രാഥമിക പരിശീലനത്തിന് ശേഷം സ്വന്തം ചിലവിൽ തളിക്കുളം സ്കൂൾ ഗ്രൗണ്ടിൽ എത്തിച്ച് പരിശീലനം നൽകുന്ന അധ്യാപകനാണ്. ശാരീരിക ബുദ്ധിമുട്ടുകൾ വക വെക്കാതെ വർഷം മുഴുവൻ കായിക പരിശീലനം നടത്തുന്ന വ്യക്തി കൂടിയായ ബിജു നാടിനും സ്കൂളിലും മാതൃകയാണ്.
ബിജു ആന്റണി നേതൃത്വം നൽകുന്ന ഏങ്ങണ്ടിയൂർ സെന്റ്‌ തോമസ് സ്കൂൾ വലപ്പാട് ഉപജില്ല ഗെയിംസിൽ മികച്ച പ്രകടനം കാഴ്ച്ചവെച്ചു. 1986ൽ 100 മീറ്റർ സ്കൂൾ സംസ്ഥാനതല മത്സരത്തിലും 1992 ൽ കലിക്കറ്റ്‌ യൂണിവേഴ്‌സിറ്റി ഡക്കത്തലോൺ ഒന്നാം സ്ഥാനം നേടിയിട്ടുണ്ട്. എല്ലാ പ്രവർത്തനങ്ങൾക്ക് അധ്യാപികയായ ഭാര്യ സമിത എസ് ചെറുവത്തൂരും മക്കളായ എഡ്വിൻ, ഏയ്ഞ്ചലീനിയും പൂർണ പിന്തുണയും നൽകുന്നു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
