തൃശൂർ
ചേതന കോളേജ് ഓഫ് മീഡിയ ആൻഡ് പെർഫോമിങ് ആർട്സിന്റെ വാര്‍ഷിക ഫെസ്റ്റ് ‘വിവിധ് 2024’ന് 17ന് രാവിലെ 9.30ന് തുടക്കമാകും. വിദ്യാർഥികളും പൂർവ വിദ്യാർഥികളും രക്ഷിതാക്കളും അധ്യാപകരും ചേർന്ന് ഫോട്ടോ വീഡിയോ എക്സ്പോ, എആർ–- വിആർ റൂം എന്നിവ ഒരുക്കും. ജേർണലിസം ആൻഡ് ലിറ്ററേച്ചർ ഡിപ്പാർട്ട്മെന്റിന്റെ നേതൃത്വത്തിൽ മീഡിയ ആൻഡ് ലിറ്ററേച്ചർ ഫെസ്റ്റ് ഓഫ് ചേതന സംഘടിപ്പിക്കും. മാധ്യമരംഗത്തെ പ്രമുഖരുമായി സംവാദം, ശിൽപ്പശാലകൾ, മത്സരങ്ങൾ എന്നിവയുണ്ടാകും. പൂർവ വിദ്യാർഥികളുടെ ഹ്രസ്വചിത്ര പ്രദർശനമുണ്ടാകും. ഡിസൈന്‍ ഹബ്ബും ഗ്രാഫിക്ക് ഡിസൈന്‍ ആന്‍ഡ് അനിമേഷന്‍ ഡിപ്പാര്‍ട്ടുമെന്റും മള്‍ട്ടി മീഡിയ ഡിപ്പാര്‍ട്ടുമെന്റും ചേര്‍ന്ന് സംഘടിപ്പിക്കുന്ന ചതുരം ആര്‍ട്ഷോയും അരങ്ങേറും. 19ന് സമാപിക്കും. അരുണ്‍ ജോണ്‍ മാണി, ഫാ. ബെഡക്ടിട് വര്‍ഗീസ്, നിക്കോള്‍ മരിയ ഗോമസ്, ഭദ്ര വിനോദ് എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
