ഇന്റര്‍ സോണ്‍ ഫുട്ബോള്‍ 
നാളെ ആരംഭിക്കും

​ഗുരുവായൂർ

കലിക്കറ്റ്‌ സർവകലാശാല ഇന്റർ സോൺ ഫുട്ബോൾ വ്യാഴാഴ്ച ​ഗുരുവായൂർ ശ്രീകൃഷ്ണ കോളേജ്  ​ഗ്രൗണ്ടിൽ ആരംഭിക്കുമെന്ന് സംഘാടകർ വാർത്താ സമ്മേളനത്തിൽ അറിയിച്ചു. രാവിലെ ഒമ്പതിന്  ​ഗുരുവായൂർ ദേവസ്വം ചെയർമാൻ ഡോ. വി കെ വിജയൻ ഉദ്ഘാടനം ചെയ്യും. 
   സർവകലാശാലാ കായിക വിഭാ​ഗം  ഡയറക്ടർ ഡോ. വി പി സക്കീർ ഹുസൈൻ,  ഗുരുവായൂർ ദേവസ്വം ഭരണസമിതിയംഗം  കെ പി  വിശ്വനാഥൻ, സർവകലാശാലാ  സിൻഡിക്കറ്റ് അംഗം ഡോ. കെ പ്രദീപ് കുമാർ, തൃശൂർ ജില്ലാ ഫുട്ബോൾ അസോസിയേഷൻ പ്രസിഡന്റ് സി സുമേഷ്, കണ്ടാണശ്ശേരി  പഞ്ചായത്തം​ഗം  അഡ്വ. പി വി  നിവാസ്,  ശ്രീകൃഷ്ണ കോളേജ് യൂണിയൻ ചെയർമാൻ  എം അനന്തുകൃഷ്ണൻ എന്നിവർ സംസാരിക്കും.   വിവിധ സോണുകളിൽ വിജയികളായ 16 കോളേജുകൾ  മീറ്റിൽ പങ്കെടുക്കും. ശ്രീകൃഷ്ണ കോളേജ്   പ്രിൻസിപ്പൽ   ഡോ. പി  എസ് വിജോയ്, കായിക വിഭാ​ഗം മേധാവി  ഡോ. കെ എസ് ഹരിദയാൽ, അസി. പ്രൊഫസർ രാജേഷ് മാധവൻ,  കോളേജ്  ക്യാപ്റ്റൻ കെ ആർ മിഥുൻ എന്നിവർ വാർത്താ സമ്മേളനത്തിൽ പങ്കെടുത്തു.