തൃശൂർ
പ്രൊഫ. വി അരവിന്ദാക്ഷൻ ഫൗണ്ടേഷൻ സംഘടിപ്പിച്ച അരവിന്ദാക്ഷൻ അനുസ്‌മരണ സമ്മേളനം സിപിഐ എം പൊളിറ്റ് ബ്യൂറോ അംഗം എം എ ബേബി ഉദ്‌ഘാടനം ചെയ്‌തു. പ്രൊഫ. വി അരവിന്ദാക്ഷൻ സ്‌മാരക പുരസ്കാരം മനുഷ്യാവകാശ പ്രവർത്തക ടീസ്ത സെതൽവാദിന് എം എ ബേബി സമ്മാനിച്ചു. ‘ഫെഡറലിസം, ഭാഷാനീതി; ബഹുസ്വരത ഫാസിസത്തിനെതിരായ ഭരണഘടനാ പ്രതിരോധം' വിഷയത്തിൽ ടീസ്ത സെതൽവാദ്‌ പ്രഭാഷണം നടത്തി.
ഫൗണ്ടേഷൻ പ്രസിഡന്റ് കാവുമ്പായി ബാലകൃഷ്ണൻ അധ്യക്ഷനായി. സാഹിത്യ അക്കാദമി വൈസ് പ്രസിഡന്റ് അശോകൻ ചരുവിൽ പ്രൊഫ. വി അരവിന്ദാക്ഷനെ അനുസ്‌മരിച്ചു. "ഇന്ത്യയുടെ ബഹുസ്വരത ' വിഷയത്തിൽ കോളേജ് വിദ്യാർഥികൾക്കായി സംഘടിപ്പിച്ച പ്രബന്ധമത്സരത്തിൽ വിജയികളായ ശ്രേയ ശ്രീകുമാർ, ജിഫിൻ ജോർജ്, ടി പി അമ്പിളി എന്നിവർക്ക് സമ്മാനം നൽകി. ഡോ. എൻ ദിവ്യ, ഡോ. പി രൺജിത്ത്, പി എസ് ഇക്ബാൽ, സി ബാലചന്ദ്രൻ എന്നിവർ സംസാരിച്ചു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
