ടേക്ക് എ ബ്രേക്ക് തുറന്നു കൊടുത്തില്ല

ചാലക്കുടി

കോടശേരി പഞ്ചായത്തിന്റെ ടേക്ക് എ ബ്രേക്ക് കെട്ടിടം ഇനിയും തുറന്നു കൊടുത്തില്ല. പഞ്ചായത്ത് 17–--ാം വാർഡിൽ കൊട്ടാരം റോഡിന് സമീപം അതിരപ്പിള്ളി റോഡിനോട് ചേർന്ന് നിർമിച്ച കെട്ടിടമാണ്‌  നിർമാണം പൂർത്തീകരിച്ച് രണ്ട് വർഷത്തിലധികമായിട്ടും തുറന്നു കൊടുക്കാത്തത്.  2019ലാണ് നിർമാണം ആരംഭിച്ചത്.  സഞ്ചാരികൾക്കായുള്ള കുളിമുറി, ശുചിമുറി, ക്ലോക്ക് റൂം തുടങ്ങിയ സൗകര്യങ്ങളാണ് 15ലക്ഷം രൂപ ചെലവിൽ നിർമിച്ച ടേക്ക് എ ബ്രേക്കിൽ ഒരുക്കിയിട്ടുള്ളത്. ഇത് തുറന്നുകൊടുത്താൽ അതിരപ്പിള്ളി വിനോദസഞ്ചാര മേഖലയിലേക്കുള്ള സഞ്ചാരികൾക്കടക്കം ഉപകാരമാകും. അധികൃതരുടെ അനാസ്ഥയെത്തുടർന്ന് ടേക്ക് എ ബ്രേക്കിപ്പോൾ സാമൂഹ്യ വിരുദ്ധരുടെ കേന്ദ്രമായി മാറിയിരിക്കുകയാണ്.