ലോറിയിടിച്ച്‌ 
വൈദ്യുതത്തൂൺ 
തകർന്നു

കയ്പമംഗലം

ദേശീയപാത 66ൽ കയ്‌പമംഗലം വഴിയമ്പലത്ത് നിയന്ത്രണം വിട്ട ലോറിയിടിച്ച്‌   വൈദ്യുതത്തൂൺ തകർന്നു. ശനി പുലർച്ചെ അഞ്ചു മണിയോടെയാണ് അപകടം.  അപകടത്തിൽ ആർക്കും പരിക്കില്ല. തിരൂരിൽ നിന്നും എറണാകുളം ഭാഗത്തേക്ക് പാലുമായി പോയ ലോറിയാണ് അപകടത്തിൽപ്പെട്ടത്. ഡ്രൈവറും സഹായിയുമാണ് വാഹനത്തിലുണ്ടായിരുന്നത്, ലൈനിൽ വൈദ്യുതി പ്രവാഹമുണ്ടെന്ന സംശയത്താൽ കെഎസ്ഇബി അധികൃതരും പൊലീസും സ്ഥലത്തെത്തിയ ശേഷമാണ് ഇവർ പുറത്തിറങ്ങിയത്‌.