തൃശൂർ
ഇതാ ഷൂചിൻഷൻ -അറ്റ്ലസ് വാൽനക്ഷത്രം സൂര്യനെ ചുറ്റി മടങ്ങുന്നു. ഈ കാഴ്ച ഇനി ദിവസങ്ങൾകൂടി ഭൂമിയിൽനിന്ന് കാണാനാവും. ഈ അപൂർവ വാൽനക്ഷത്രത്തെ കാണാൻ ഇനി 80,000 വർഷം കാത്തിരിക്കേണ്ടി വരുമെന്ന് ശാസ്ത്രലോകം. ഈ വാൽ നക്ഷത്രത്തിന്റെ ചിത്രം പകർത്താനായതിലുള്ള ആഹ്ലാദത്തിലാണ് കൊച്ചി കുസാറ്റ് ശാസ്ത്ര –- സാമൂഹിക കേന്ദ്രത്തിലെ ഗവേഷകനായ തൃശൂർ മരോട്ടിച്ചാൽ സ്വദേശി ഇന്ദ്രജിത് കാര്യാട്ട്. 200 എംഎം ലെൻസ് ഉപയോഗിച്ചാണ് ചിത്രം പകർത്തിയത്. ഇതേ കേന്ദ്രത്തിലെ ജ്യോതിശാസ്ത്രജ്ഞൻ അമൽ ശ്രീ അജിത്തും ചിത്രം പകർത്തിയിരുന്നു.
ഒക്ടോബർ മുതൽ സൂര്യാസ്തമയത്തിനുശേഷം പടിഞ്ഞാറൻ ആകാശത്ത് ഈ വാൽനക്ഷത്രം കണ്ടതായി ഇന്ദ്രിജിത് പറഞ്ഞു. നവംബർ ആദ്യവാരത്തോടെ മങ്ങി പ്പോവും.
ഈ വാൽ നക്ഷത്രത്തിന്റെ ഭ്രമണപഥം കണക്കാക്കിയാണ് വീണ്ടും കാണാൻ 80000 വർഷം വേണ്ടിവരുമെന്ന് കണക്കാക്കുന്നത്. 27 വർഷത്തിനിടയിലെ ഏറ്റവും തിളക്കമുള്ള വാൽനക്ഷത്രമാണിത്.
സൗരയൂഥത്തിന് പുറത്ത് ഊർട്ട് മേഘത്തിൽനിന്നാണ് രൂപപ്പെടുന്നതെന്ന് അമൽ ശ്രീ അജിത്ത് പറഞ്ഞു. 2023-ൽ ചൈനയിലാണ് ശാസ്ത്രജ്ഞർ ആദ്യമായി കണ്ടെത്തിയത്. സൂര്യനെയാണ് വലംവയ്ക്കുന്നതെന്ന് അമൽ പറഞ്ഞു.
ദേശാഭിമാനി വാർത്തകൾ ഇപ്പോള് വാട്സാപ്പിലും ലഭ്യമാണ്.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
