തോൽപ്പെട്ടി
പണമൊഴുക്കി തെരഞ്ഞെടുപ്പ് അട്ടിമറിക്കാൻ കോൺഗ്രസ് ശ്രമിക്കുകയാണെന്ന് സിപിഐ എം സംസ്ഥാന കമ്മിറ്റിയംഗം പി ജയരാജൻ പറഞ്ഞു. ഇതിന്റെ ഭാഗമായാണ് വോട്ടർമാർക്ക് തോൽപ്പെട്ടിയിൽ പ്രിയങ്കയുടെയും രാഹുലിന്റെയും ചിത്രങ്ങൾ പതിച്ച കിറ്റുകൾ വിതരണംചെയ്തത്. കോൺഗ്രസ് നേതൃത്വമാണ് ഇത് നൽകിയതെന്ന് വ്യക്തമാണ്. പണമൊഴുക്കി മണ്ഡലത്തിലെ വോട്ടർമാരുടെ മനസ്സ് വിലയ്‌ക്കുവാങ്ങാനാണ് കോൺഗ്രസ് ശ്രമിക്കുന്നത്. ഇത് നഗ്നമായ തെരഞ്ഞെടുപ്പ് അഴിമതിയാണ്.
ഇത് സംബന്ധിച്ച് തെരഞ്ഞെടുപ്പ് കമീഷൻ നടപടി കൈക്കൊള്ളണം. സംഭവത്തിൽ സമഗ്ര അന്വേഷണം നടത്തണമെന്നും തോൽപ്പെട്ടിയിലെത്തിയ പി ജയരാജൻ ആവശ്യപ്പെട്ടു. ജില്ലാ സെക്രട്ടറിയറ്റംഗങ്ങളായ പി വി സഹദേവൻ, എ എൻ പ്രഭാകരൻ എന്നിവരും സ്ഥലത്തെത്തി.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
