പെരിക്കല്ലൂർ
ബീനാച്ചിയിൽ നടന്ന ബത്തേരി ഉപജില്ല സാമൂഹ്യശാസ്ത്രമേളയിൽ പെരിക്കല്ലൂർ ഗവ. ഹയർ സെക്കൻഡറി സ്കൂളിന് ഓവറോൾ കിരീടം. എൽപി, യുപി, ഹൈസ്കൂൾ, ഹയർ സെക്കൻഡറി വിഭാഗങ്ങളിലായി നടന്ന മത്സരത്തിൽ പെരിക്കല്ലൂർ സ്കൂളിലെ വിദ്യാർഥികൾ മികച്ച പ്രകടനംകാഴ്ചവയ്ക്കുകയും ഹൈസ്കൂൾ വിഭാഗത്തിൽ 35 പോയിന്റുമായി ഓവറോൾ നേടുകയും എൽപി വിഭാഗത്തിൽ റണ്ണേഴ്സ് അപ്‌ ആവുകയുംചെയ്തു. മൊത്തത്തിൽ 59 പോയിന്റുമായി സാമൂഹ്യശാസ്ത്രമേളയിൽ ബത്തേരി ഉപജില്ലയുടെ ഓവറോൾ കിരീടം പെരിക്കല്ലൂർ സ്കൂളിന് ലഭിച്ചു. സാമൂഹ്യശാസ്ത്ര ക്വിസ് മത്സരം, പ്രാദേശിക ചരിത്രരചന, വർക്കിങ്‌ മോഡൽ, സ്റ്റിൽ മോഡൽ, പ്രസംഗം, അധ്യാപകർക്കുള്ള ടീച്ചിങ്‌ എയ്ഡ് നിർമാണം എന്നിവയിൽ പെരിക്കല്ലൂർ സ്കൂൾ ഉന്നത വിജയം നേടുകയും ഗ്രേഡുകൾ കരസ്ഥമാക്കുകയും ചെയ്തു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
