വാളാട്
അമ്പലക്കടവ് പാലത്തിൽനിന്ന്‌ കാൽതെറ്റി പുഴയിലേക്ക് വീണയാളെ രക്ഷപ്പെടുത്തി. വാളാടി വീട്ടിൽ സന്തോഷിനാണ് നാട്ടുകാർ രക്ഷകരായത്. അമ്പലക്കുന്ന് കോളനിവാസികളാണ് പുഴയിലേക്ക് ആൾ വീണ വിവരം അറിയിച്ചത്. ആദ്യം ഓടിയെത്തിയ ഇലവുങ്കൽ ഏലിയാസും വാളാട് റെസ്‌ക്യു ടീം അംഗം നൊച്ചി മുനീറും പുഴയിലിറങ്ങി സന്തോഷിനെ രക്ഷിക്കുകയായിരുന്നു. മരച്ചില്ലയിൽ പിടിച്ചുനിൽക്കാനായതിനാലാണ് സന്തോഷ് ഒഴുക്കിൽപ്പെടാതെ നിന്നത്. കയറുകെട്ടി കരയിലേക്കടുപ്പിച്ച സന്തോഷിനെ കൊട്ടത്തോണിയിൽ കയറ്റിയാണ് രക്ഷിച്ചത്‌. വാളാട് റെസ്‌ക്യു ടീം അംഗം അയൂബ്, കാരുണ്യ റെസ്‌ക്യു ടീം അംഗം മൊയ്തു എന്നിവരും രക്ഷാപ്രവർത്തനത്തിൽ പങ്കാളികളായി.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
