മീനങ്ങാടിയിൽ 24 പേർക്ക്‌ തേനീച്ചയുടെ കുത്തേറ്റു

 

മീനങ്ങാടി

മീനങ്ങാടിക്കടുത്ത്‌ 24 പേർക്ക്‌ തേനീച്ചക്കുത്തേറ്റ്‌ പരിക്ക്‌. പഞ്ചായത്ത്‌ പത്താം വാർഡിലെ വട്ടത്തുവയലിൽ ചൊവ്വ രാവിലെയാണ്‌ കൂടിളകിയെത്തിയ തേനീച്ചകൾ തൊഴിലുറപ്പ്‌ തൊഴിലാളികളെയും വഴിയാത്രക്കാരെയും കുത്തിയത്‌. പരിക്കേറ്റവരിൽ 21 പേർ തൊഴിലുറപ്പ്‌ തൊഴിലാളികളും മൂന്നുപേർ വഴിയാത്രക്കാരുമാണ്‌. സ്വകാര്യ പറമ്പിലെ ജോലികഴിഞ്ഞ്‌  അടുത്ത പറമ്പിലേക്ക്‌ പോകുന്നതിനിടെ വയലിൽവച്ചാണ്‌ തൊഴിലാളികൾക്ക്‌ തേനീച്ചക്കുത്തേറ്റത്‌. 23 പേരെ മീനങ്ങാടി ഗവ. ആശുപത്രിയിലും ഒരാളെ സ്വകാര്യ ആശുപത്രിയിലും പ്രവേശിപ്പിച്ചു.