പാലക്കാട്> ഉപതെരഞ്ഞെടുപ്പ് പ്രഖ്യാപനത്തിന് പിന്നാലെ പാലക്കാട് ബിജെപിയിൽ പൊട്ടിത്തെറി രൂക്ഷമായി. ബിജെപി സംസ്ഥാന വൈസ് പ്രസിഡന്റ് ശോഭാ സുരേന്ദ്രനെ അനുകൂലിച്ച് സ്ഥാപിച്ചിരുന്ന ഫ്ലക്സ് ബോർഡ് കത്തിച്ച നിലയിൽ കണ്ടെത്തി.
ബിജെപി ഭരിക്കുന്ന പാലക്കാട് നഗരസഭാ കാര്യാലയത്തിന് മുന്നിൽ സ്ഥാപിച്ച ‘ശോഭാ സുരേന്ദ്രന് പാലക്കാടൻ കാവിക്കോട്ടയിലേക്ക് സ്വാഗതം’ എന്നെഴുതിയ ഫ്ലക്സ് ബോർഡാണ് കത്തിച്ചത്. സംഭവത്തെ തുടർന്ന് പൊലീസ് സ്ഥലത്തെത്തി പരിശോധന നടത്തി. നേരത്തെ പാലക്കാട് നിയമസഭാ മണ്ഡലത്തിലേക്ക് നടക്കുന്ന ഉപതെരഞ്ഞെടുപ്പിൽ ബിജെപി സ്ഥാനാർത്ഥിയായി ശോഭ സുരേന്ദ്രനെ മത്സരിപ്പിക്കണമെന്ന ആവശ്യം ഒരു വിഭാഗം ശക്തമായി ഉയർത്തിയിരുന്നു.
ശോഭ സുരേന്ദ്രനെ സ്ഥാനാർത്ഥിയാക്കണമെന്ന് ആവശ്യപ്പെട്ട് ബിജെപി അധ്യക്ഷൻ ജെപി നദ്ദക്ക് കത്തയക്കുകയും ചെയ്തിരുന്നു. സംസ്ഥാന ജനറൽ സെക്രട്ടറിയും പാലക്കാട് ബിജെപി സ്ഥാനാർത്ഥിയുമായ സി കൃഷ്ണകുമാറിനെതിരെ വിമർശനവും കത്തിലുണ്ടായിരുന്നു. എന്നാൽ സി കൃഷ്ണകുമാറിനെ തന്നെ ബിജെപി സ്ഥാനാർത്ഥിയായി പ്രഖ്യാപിക്കുകയായിരുന്നു.
ദേശാഭിമാനി വാർത്തകൾ ഇപ്പോള് വാട്സാപ്പിലും ലഭ്യമാണ്.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..