കാസർകോട് > ഉദുമയിൽ റെയിൽപ്പാളത്തിൽ തെങ്ങ് പൊട്ടിവീണ് ട്രെയിൻ ഗതാഗതം തടസപ്പെട്ടു. വ്യാഴം പകൽ 12-30ഓടെയാണ് സംഭവം. കണ്ണൂർ ഭാഗത്തേക്ക് ചരക്ക് ട്രെയിൻ കടന്നുപോയതിന് തൊട്ടു പിന്നാലെയാണ് തെങ്ങ് പാളത്തിലേക്ക് വീണത്. പിന്നാലെ വൈദ്യുതി ലൈനും തകർന്ന് പാളത്തിൽ വീണു.
റെയിൽവെയുടെ സാങ്കേതിക വിദഗ്‌ധരും അഗ്‌നിരക്ഷാ സേനയും ബേക്കൽ പൊലീസും സ്ഥലത്തെത്തി രക്ഷാപ്രവർത്തനം നടത്തി. ഈ സമയത്ത് ഇതുവഴിയുള്ള ട്രെയിനുകൾ കാഞ്ഞങ്ങാട്ടും കാസർകോടും റെയിൽവേ സ്റ്റേഷനിൽ നിർത്തിയിട്ടു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
