വടകര > വടകരയിൽ ട്രെയിനിൽ എത്തിയ ഇതര സംസ്ഥാന തൊഴിലാളികളിൽ നിന്നും വൻ കഞ്ചാവ് ശേഖരം കണ്ടെത്തി. സംഭവവുമായി ബന്ധപ്പെട്ട് രണ്ട് പേരെ പൊലീസ് പിടികൂടി. ഒറീസ സ്വദേശി റോഷൻ മെഹർ (24), ജാർഖണ്ഡ് സ്വദേശി ജയസറാഫ് (33) എന്നിവരെയാണ് വടകര റെയിൽവെ സ്റ്റേഷനിൽ നിന്നും വെള്ളി രാവിലെ പിടികൂടിയത്.
പൊലീസിന് കിട്ടിയ രഹസ്യ വിവരത്തിന്റെ അടിസ്ഥാനത്തിൽ നാർക്കോട്ടിക് ഡിവൈഎസ്പിയുടെ കീഴിലുള്ള ഡൻസാഫ് ടീം സ്റ്റേഷൻ പരിസരത്ത് സംശയാസ്പദമായി കണ്ട ഇവരെ പരിശോധിച്ചപ്പോഴാണ് കഞ്ചാവ് കണ്ടെത്തിയത്. ഒരു ട്രോളി ബാഗിലും രണ്ട് ബാഗുകളുമായി കടത്തുകയായിരുന്ന 9 കിലോഗ്രാം കഞ്ചാവ് ഇവരിൽ നിന്നും കണ്ടെത്തി. ചെന്നൈയിൽ നിന്നും രാവിലെ ആറരയോടെയാണ് ഇവർ വടകരയിൽ എത്തിയത്. പ്ലാസ്റ്റിക് കവറുകളിൽ പൊതിഞ്ഞ് ബാഗുകളിൽ സൂക്ഷിച്ച നിലയിലായിരുന്നു കഞ്ചാവ്. വടകര എസ്എച്ച്ഒ സുനിൽ കുമാറിൻ്റ നിർദ്ദേശ പ്രകാരം എസ്ഐമാരായ ബിജു വിജയൻ, രഞ്ജിത്ത്, ഡൻസാഫ് അംഗങ്ങളായ എസ്ഐ മനോജ് രാമത്ത്, എഎസ്ഐമാരായ ഷാജി, ബിനീഷ്, സിപിഒ മാരായ ടി കെ ശോഭിത്, അഖിലേഷ് എന്നിവരടങ്ങിയ സംഘമാണ് പ്രതികളെ പിടികൂടിയത്.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
