എഡിജിപിക്ക് 
എതിരെ വിജിലൻസ്‌ അന്വേഷണം തുടങ്ങി

തിരുവനന്തപുരം
ക്രമസമാധാന വിഭാഗം എഡിജിപി എം ആർ അജിത്‌കുമാറിനും പത്തനംതിട്ട ജില്ലാ പൊലീസ്‌ മുൻ മേധാവി സുജിത്‌ദാസിനുമെതിരെ വിജിലൻസ്‌ തിരുവനന്തപുരം സെപ്‌ഷൽ ഇൻവെസ്‌റ്റിഗേഷൻ യൂണിറ്റ്‌ (ഒന്ന്‌) അന്വേഷണമാരംഭിച്ചു. വിജിലൻസ്‌ എസ്‌പി ജോൺകുട്ടിയുടെ നേതൃത്വത്തിലുള്ള സംഘമാണ്‌ അന്വേഷിക്കുന്നത്‌. പൊലീസ്‌ ആസ്ഥാനത്തെ എസ്‌പി കാർത്തിക്‌ മേൽനോട്ടം വഹിക്കും. പി വി അൻവർ എംഎൽഎ നൽകിയ പരാതിയുടെ അടിസ്ഥാനത്തിൽ വെള്ളിയാഴ്‌ചയാണ്‌ സർക്കാർ വിജിലൻസ്‌ അന്വേഷണത്തിന്‌ ഉത്തരവിട്ടത്‌.

വിജിലൻസ്‌ ഡിവൈഎസ്‌പി ഷിബു പാപ്പച്ചൻ, ഇൻസ്‌പെക്ടർമാരായ അഭിലാഷ്‌, കിരൺ എന്നിവരും അന്വേഷകസംഘത്തിലുണ്ട്‌.

ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..