നാസിക്> നാസിക്കിൽ പരിശീലനത്തിനിടെ ഫീൽഡ് ഗൺ ഷെൽ പൊട്ടിത്തെറിച്ച് രണ്ട് അഗ്നിവീർ സൈനികർ മരിച്ചു. വ്യാഴാഴ്ച ഉച്ചയ്ക്ക് മഹാരാഷ്ട്രയിലെ നാസിക് ജില്ലയിലെ ആർട്ടിലറി സെന്ററിലാണ് സംഭവം.
സൈനികരായ ഗോഹിൽ വിശ്വരാജ് സിംഗ് (20), സൈഫത്ത് ഷിത് (21) എന്നിവരാണ് സ്ഫോടനത്തിൽ കൊല്ലപ്പെട്ടത്.ഫീൽഡ് ഗണ്ണിൽ നിന്ന് വെടിയുതിർക്കുന്നതിനിടെയാണ് ഷെല്ലുകൾ പൊട്ടിത്തെറിച്ചത്. ഇവരെ ഡിയോലാലിയിലെ എംഎച്ച് ഹോസ്പിറ്റലിൽ പ്രവശിപ്പിച്ചു. അവിടെ വച്ചാണ് ഇരുവരും മരിച്ചതെന്ന് അധികൃതർ അറിയിച്ചു.
സംഭവത്തിൽ ഹവിൽദാർ അജിത് കുമാറിന്റെ പരാതിയുടെ അടിസ്ഥാനത്തിൽ ഡിയോലാലി ക്യാമ്പ് പൊലീസ് അസ്വാഭാവിക മരണത്തിന് കേസ് രജിസ്റ്റർ ചെയ്തു. കൂടുതൽ അന്വേഷണം നടന്നു വരികയാണ്.
ദേശാഭിമാനി വാർത്തകൾ ഇപ്പോള് വാട്സാപ്പിലും ലഭ്യമാണ്.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..