പുണെ > പുണെയില്‍ ഹെലികോപ്ടര്‍ തകര്‍ന്നു വീണ് 3 പേര്‍ മരിച്ചു. ബവ്ധാനു സമീപം ഇന്ന് രാവിലെയായിരുന്നു അപകടം. രണ്ട് പൈലറ്റുമാരും ഒരു എന്‍ജിനിയറുമാണ് ഹെലികോപ്ടറിലുണ്ടായിരുന്നത്.
സ്വകാര്യ ഹെലികോപ്ടറാണോ സര്‍ക്കാര്‍ ഹെലികോപ്ടറാണോ തകര്‍ന്നതെന്ന് വ്യക്തമല്ല. മലയോര മേഖലയില്‍ രാവിലെ 6.45ഓടെയാണ് ഹെലികോപ്ടര്‍ തകര്‍ന്നുവീണത്. കനത്ത മൂടല്‍മഞ്ഞാണ് അപകടത്തിന് കാരണമെന്നാണ് നിഗമനം. ഓക്സ്ഫോഡ് ഗോള്‍ഫ് ക്ലബ് ഹെലിപാഡില്‍ നിന്നും പറന്നുയര്‍ന്ന ഹെലികോപ്ടറാണ് ഇതെന്ന് പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്തു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
