ലഖ്നൗ > കവര്‍ച്ചാകേസിലെ പ്രധാനപ്രതിയെന്ന് ആരോപിച്ച് യുപി സുൽത്താൻപുരിൽ യുവാവിനെ പൊലീസ് വെടിവച്ചുകൊന്നത് "വ്യാജ ഏറ്റുമുട്ടല്‍കൊല'യാണെന്ന വെളിപ്പെടുത്തലുമായി കുടുംബം. പത്ത് നിയമസഭാ സീറ്റിലേക്കുള്ള ഉപതെരഞ്ഞെടുപ്പ് പ്രചാരണം സജീവമായ സംസ്ഥാനത്ത് "വ്യാജ ഏറ്റുമുട്ടല്‍കൊല' വൻ രാഷ്ട്രീയവിവാദമായി.ജോൻപുര്‍ സ്വദേശി മംഗേഷ് യാദവിനെയാണ് യുപി പൊലീസിന്റെ പ്രത്യേക ദൗത്യസേന വ്യാഴാഴ്ച വെടിവച്ചുകൊന്നത്. യാദവനായതുകൊണ്ട് മാത്രമാണ് മംഗേഷിനെ കൊന്നതെന്ന് എസ് പി നേതാവ് അഖിലേഷ് യാദവ് ആരോപിച്ചു.
"സ്വരക്ഷയ്‌ക്കായുള്ള' വെടിവയ്‌പ്പിൽ മംഗേഷ് കൊല്ലപ്പെട്ടെന്നാണ് പൊലീസ് ഭാഷ്യം. എന്നാൽ വീട്ടിൽ ഉറങ്ങിക്കിടന്ന മകനെ ചോദ്യംചെയ്യാനെന്ന പേരിൽ സെപ്തംബര്‍ മൂന്നിന് പുലര്‍ച്ചെ പൊലീസുകാര്‍ പിടിച്ചുകൊണ്ടുപോവുകയായിരുന്നുവെന്ന് അമ്മ ഷീലാ ദേവി വെളിപ്പെടുത്തി. പൊലീസുകാര്‍ക്കെതിരെ നടപടി ആവശ്യപ്പെട്ട് പരാതിയും നൽകി. സുൽത്താൻപുരിലെ ജ്വല്ലറി കൊള്ളയടിച്ച കേസിലെ പ്രധാനപ്രതിയാണ് മംഗേഷ് എന്ന്‌ പൊലീസ് ആരോപിക്കുന്നു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
