ചണ്ഡീഗഢ് > കാനഡ ആസ്ഥാനമായി പ്രവർത്തിക്കുന്ന അർഷ് ദല്ലയുടെ ഗുണ്ടാസംഘത്തിൽപ്പെട്ട രണ്ട് പേരെ പഞ്ചാബ് പൊലീസ് അറസ്റ്റ് ചെയ്തു. മൊഹാലിയിലെ ഖരാറിൽ നിന്നാണ് ഇവർ അറസ്റ്റിലായത്. ഫരീദ്കോട്ടിൽ കഴിഞ്ഞ മാസം നടന്ന ഗുർപ്രീത് സിംഗ് ഹരി നൗവിന്റെ കൊലപാതകത്തിൽ അർഷ് ദല്ല സംഘത്തിന് പങ്കുള്ളതായാണ് സംശയം.
അറസ്റ്റിലായവർക്ക് മധ്യപ്രദേശിൽ നടന്ന മറ്റൊരു കൊലപാതകവുമായി ബന്ധമുള്ളതായി പൊലീസ് പറഞ്ഞു. ഗ്വാളിയാർ സ്വദേശി ജസ്വന്ത് സിങ് ഗില്ലി(45)നെയാണ് ഇവർ കൊന്നത്. സംസ്ഥാന സ്‌പെഷ്യൽ ഓപ്പറേഷൻ സെൽ, ആന്റി ഗ്യാങ്സ്റ്റർ ടാസ്‌ക് ഫോഴ്‌സ്, ഫരീദ്കോട്ട് പോലീസ് എന്നിവയുടെ സംയുക്ത ഓപ്പറേഷനിലാണ് അറസ്റ്റ് നടന്നതെന്ന് ഡിജിപി ഗൗരവ് യാദവ് പറഞ്ഞു. ഇവരിൽ നിന്ന ആയുധങ്ങൾ പിടിച്ചെടുത്തതായാണ് വിവരം.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
