മുംബൈ
എൻസിപി നേതാവായ മുൻമന്ത്രി ബാബ സിദ്ദിഖിയെ വെടിവച്ചുകൊന്ന പ്രതികള്‍ തോക്കു കൈകാര്യംചെയ്യാൻ പരിശീലിച്ചത് യുട്യൂബിലൂടെയെന്ന് പൊലീസ്. കുര്‍ളയിലെ വാടക വീട്ടിൽ നിന്ന് നാലാഴ്ചയോളം യുട്യൂബ് വീഡിയോ കണ്ട് തിര നിറയ്ക്കുന്നതടക്കം പരിശീലിച്ചു. പൊലീസ് കസ്റ്റഡിയിലുള്ള ഗുര്‍മെയിൽ സിങ്, ധര്‍മരാജ് കശ്യപ് എന്നിവരെ ചോദ്യംചെയ്തപ്പോഴാണ് വിവരം പുറത്തുവന്നത്.
യുപിയിൽ വിവാഹാഘോഷങ്ങളിൽ തോക്ക് കൈകാര്യംചെയ്ത് പരിചയമുള്ള ശിവകുമാര്‍ ഗൗതമാണ് കശ്യപിനെയും സിങ്ങിനെയും ഇതിനു സഹായിച്ചത്. പ്രധാന ഷൂട്ടറായ ഇയാള്‍ ഒളിവിലാണ്.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
