ന്യൂഡൽഹി > രാജ്യത്തു നിന്ന് പുറപ്പെടുന്ന 30 വിമാനങ്ങൾക്ക് കൂടി ബോംബ് ഭീഷണി. ഇന്നലെ രാത്രിയാണ് 30 ആഭ്യന്തര- അന്താരാഷ്ട്ര വിമാനങ്ങൾക്ക് കൂടി ബോംബ് ഭീഷണിയുണ്ടായത്. ഇൻഡിഗോ, എയർ ഇന്ത്യ, വിസ്താര തുടങ്ങിയവയുടെ വിമാനങ്ങൾക്കാണ് ഭീഷണി നേരിട്ടത്.
ഇതോടെ ഒരാഴ്ചയ്ക്കിടെ ഭീഷണി നേരിട്ട വിമാനങ്ങളുടെ എണ്ണം 120 ആയി. തുടർച്ചയായി ഭീഷണി ലഭിക്കുന്നത് വിമാന സർവീസുകളെ പ്രതിസന്ധിയിലാക്കുന്നുണ്ട്. ഇൻഡിഗോയുടെ നാല് വിമാനങ്ങൾക്ക് ഇന്നലെ ഭീഷണി സന്ദേശം ലഭിച്ചതായി ഇൻഡിഗോ വക്താവ് പറഞ്ഞു. ഭീഷണി നേരിട്ടതിനെത്തുടർന്ന് വിമാനത്തിൽ നിന്ന് യാത്രക്കാരെ തിരിച്ചിറക്കി പരിശോധന നടത്തി.
ദേശാഭിമാനി വാർത്തകൾ ഇപ്പോള് വാട്സാപ്പിലും ലഭ്യമാണ്.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..