ശ്രീനഗര്‍ > ജമ്മു കശ്മീരിലെ ഉധംപുരിൽ ഭീകരരുമായുള്ള ഏറ്റുമുട്ടലിൽ സിആര്‍പിഎഫ് ഇൻസ്പെക്ടറിന് വീരമൃത്യു. സിആര്‍പിഎഫ് 187ാമത് ബറ്റാലിയനിലെ ഇൻസ്പെക്ടര്‍ കുൽദീപ് സിങ്ങാണ് കൊല്ലപ്പെട്ടത്. പകൽ 3.30ഓടെ ബസന്ത്ഗഡിലാണ് ഏറ്റുമുട്ടലുണ്ടായത്.
ജമ്മു കശ്മീര്‍ പൊലീസിലെ സ്പെഷൽ ഓപ്പറേഷൻസ് ഗ്രൂപ്പും സിആര്‍പിഎഫും സംയ്കുതമായി നടത്തിയ പതിവ് പട്രോളിങ്ങിനെ ഭീകരര്‍ വെടിയുതിര്‍ക്കുകയായിരുന്നു. പരിക്കേറ്റ കുൽദീപ് സിങ്ങിനെ ആശുപത്രിയിലെത്തിച്ചെങ്കിലും രക്ഷിക്കാനായില്ല. തിരിച്ചടിച്ചതോടെ ഭീകരര്‍ പിൻവാങ്ങി. തുടര്‍ന്ന് പ്രദേശം വളഞ്ഞ സുരക്ഷസേന ഭീകരര്‍ക്കായുള്ള തിരച്ചിൽ ശക്തമാക്കി.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
