ഡൽഹി > രോഹിണി പ്രശാന്ത് വിഹാറിലെ സിആര്പിഎഫ് സ്കൂളിനു സമീപമുണ്ടായ സ്ഫോടനത്തിന്റെ ഡൽഹി പൊലീസിന്റെ അന്വേഷണം ഖലിസ്ഥാൻ വാദികളിലേക്ക്. സ്ഫോടനത്തിന്റെ ആദ്യ ദൃശ്യങ്ങള് ഖലിസ്ഥാനുമായി ബന്ധമുള്ള ജസ്റ്റിസ് ലീഗെന്ന ടെലഗ്രാം ചാനലിലാണ് പ്രചരിച്ചത്. ഇതിന്റെ അടിസ്ഥാനത്തിലാണ് ഖലിസ്ഥാൻ വാദികളുമായി സ്ഫോടനത്തിന് പങ്കുണ്ടോയെന്ന് അന്വേഷിക്കുന്നത്.
ഡൽഹിയിൽ സിആർപിഎഫ് സ്കൂളിനു സമീപം സ്ഫോടനം. ഞായറാഴ്ച രാവിലെ 7.50 ഓടെയാണ് സ്കൂളിന്റെ മതിലിനോട് ചേർന്ന് വലിയ ശബ്ദത്തിൽ സ്ഫോടനമുണ്ടായത്. സംഭവത്തിൽ ആളപായമൊന്നും റിപ്പോർട്ട് ചെയ്യപ്പെട്ടിട്ടില്ല. ഫോറൻസിക് വിദഗ്ധർ സ്ഥലത്തെത്തി പരിശോധന നടത്തി. ഉഗ്ര ശബ്ദത്തിലാണ് സ്ഫോടനം നടന്നത്. സ്ഫോടനത്തെത്തുടർന്ന് സമീപത്തുണ്ടായിരുന്ന വാഹനങ്ങളുടെ ഗ്ലാസുകൾ തകർന്നു.
ദേശാഭിമാനി വാർത്തകൾ ഇപ്പോള് വാട്സാപ്പിലും ലഭ്യമാണ്.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..