ഝാൻസി > ഝാൻസിയിലെ മഹാറാണി ലക്ഷ്മിഭായി മെഡിക്കൽ കോളേജിലുണ്ടായ തീപിടിത്തത്തിൽ പരിക്കേറ്റ മൂന്ന് കുട്ടികൾ കൂടി മരിച്ചു. ഇതോടെ അപകടത്തിൽ മരണം 15 ആയി. രണ്ട് കുട്ടികളുടെ നില അതീവ ഗുരുതരമാണ്. നവംബർ 15ന് രാത്രി 10.45ഓടെയായിരുന്നു തീപിടിത്തമുണ്ടായത്. മെഡിക്കൽ കോളേജിലെ നവജാത ശിശുക്കള്‍ക്കുള്ള തീവ്രപരിചരണവിഭാഗത്തിൽ ഇൻക്യുബേറ്ററിലുള്ള കുട്ടികളാണ് തീപിടിത്തത്തിൽ മരിച്ചത്. 39 കുട്ടികളെ രക്ഷപ്പെടുത്തിയിരുന്നു.
തീപിടിത്തമുണ്ടായത് ഷോർട്ട് സർക്യൂട്ടിനാലാണെന്ന് സ്ഥിരീകരിച്ചിരുന്നു. മെഡിക്കൽ ഉപകരണങ്ങളിലെ പ്ലാസ്റ്റിക് കവറുകളിലേക്ക് തീ അതിവേഗം പടർന്നുപിടിക്കുകയായിരുന്നു. അപകടസമയത്ത് ഫയര്‍ എക്സ്റ്റിംഗ്യുഷറുകള്‍ പ്രവര്‍ത്തിച്ചിരുന്നില്ല എന്നാണ് വിവരം. ആശുപത്രിയുടെ ഭാഗത്ത് നിന്നും ഗുരുതര വീഴ്ചയുണ്ടായതായാണ് റിപ്പോർട്ട്. പത്ത് കുട്ടികളെ കിടത്താവുന്ന തീവ്ര പരിചരണ വിഭാഗത്തിൽ അമ്പതോളം കുട്ടികളാണുണ്ടായിരുന്നത്.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
