ലക്നൗ > ഉത്തർപ്രദേശിലെ കനൗജിൽ ട്രക്കും കാറും കൂട്ടിയിടിച്ച് അഞ്ച് ഡോക്ടർമാർ മരിച്ചു. ലക്നൗ- ആഗ്ര എക്സ്പ്രസ് വേയിൽ ഇന്ന് രാവിലെയായിരുന്നു അപകടം. ലക്നൗവിൽ വിവാഹച്ചടങ്ങിൽ പങ്കെടുക്കാൻ പോയിരുന്ന ഡോക്ടർമാരാണ് അപകടത്തിൽപ്പെട്ടത്. ഇവർ സഞ്ചരിച്ച കാർ നിയന്ത്രണം വിട്ട് ഡിവൈഡറിലിടിച്ച ശേഷം റോഡിന്റെ മറുവശത്തേക്ക് മറിയുകയായിരുന്നു. തുടർന്ന് എതിർദിശയിലേക്ക് പോവുകയായിരുന്ന ട്രക്കിലേക്ക് ഇടിച്ചുകയറി.
യുപി യൂണിവേഴ്സിറ്റി ഓഫ് മെഡിക്കൻ സയൻസസിലെ ഡോക്ടർമാരായ ആഗ്ര സ്വദേശി ഡോ. അനിരുദ്ധ് ശർമ (29), രവി ദാസ് നഗറിൽ നിന്നുളഅള സന്തോഷ് മൗര്യ (30), കനൗജ് സ്വദേശി അരുൺ കുമാർ (32), ബറേലി സ്വദേശി നരേന്ദ്ര ഗംഗംവാർ (32), ബിന്ജോരെ സ്വദേശി രാകേഷ് സിങ് (36) എന്നിവരാണ് മരിച്ചത്.
കാർ അമിതവേഗതയിലായിരുന്നുവെന്നും ഡ്രൈവർ ഉറങ്ങിപ്പോയതാകാം അപകടകാരണമെന്നും യുപി പൊലീസ് പറഞ്ഞു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
