അറബിക്കടലിൽ വൻ മയക്കുമരുന്ന്‌ വേട്ട; പിടികൂടിയത്‌ 500 കിലോ ക്രിസ്റ്റൽ മെത്ത്‌

ന്യൂഡൽഹി > അറബിക്കടലിൽ വൻ മയക്കുമരുന്ന്‌ വേട്ട. 500 കിലോ ക്രിസ്റ്റൽ മെത്താംഫെറ്റാമൈൻ മയക്കുമരുന്നാണ്‌ പിടികൂടിയത്‌.

അറബിക്കടലിൽ ഇന്ത്യയുടെയും ശ്രീലങ്കയുടെയും നാവിക സേനകൾ സംയുക്തമായി നടത്തിയ ഓപ്പറേഷനിലാണ്‌ രണ്ട് മത്സ്യബന്ധന യാനങ്ങളിൽ നിന്ന്‌ മയക്കുമരുന്ന്‌ പിടികൂടിയത്‌. നവംബർ 25നായിരുന്നു പരിശോധന. രണ്ട് ബോട്ടുകളും പിടിച്ചെടുത്ത മയക്കുമരുന്നുകളും തുടർ നടപടികൾക്കായി ശ്രീലങ്കൻ അധികാരികൾക്ക് കൈമാറുന്നതായി ഇന്ത്യൻ നാവികസേന അറിയിച്ചു.