കൊൽക്കത്ത
ആർജി കർ മെഡിക്കൽ കോളേജിൽ ജൂനിയർ ഡോക്ടറെ ബലാത്സംഗം ചെയ്ത്‌ കൊലപ്പെടുത്തിയ കേസിൽ സിബിഐ 87 ദിവസത്തിനുശേഷം പൂർണ കുറ്റപത്രം സമർപ്പിച്ചു. കൊലക്കേസിലും ബലാത്സംഗക്കേസിലും ഇതുവരെ സഞ്ജയ് റോയിയെ മാത്രമാണ് സിബിഐ പ്രതിചേർത്തത്. കുറ്റം നടന്ന് 58 ദിവസം കഴിഞ്ഞാണ് ആദ്യ കുറ്റപത്രം സിബിഐ സമർപ്പിച്ചത്. 128 സാക്ഷിമൊഴികൾ ഉൾപ്പെടെ 600 പേജുള്ള രേഖകളാണ് ഹാജരാക്കിയത്. കേസ്‌ ഈ ആഴ്ച വീണ്ടും പരിഗണിക്കും.
അതേസമയം, കൂടുതൽ കാര്യങ്ങൾ വെളിപ്പെടുത്താനുണ്ടെന്നും താൻ നിരപരാധിയാണെന്നും കേസിൽ അറസ്‌റ്റിലായ പ്രതി സഞ്ജയ് റോയ്‌ കോടതിയിൽനിന്ന് ജയിലിലേക്ക്‌ പോകുംമുൻപ്‌ പ്രതികരിച്ചു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
