ഹൈദരാബാദ് > നടി രാകുൽ പ്രീത് സിങ്ങിന്റെ സഹോദരൻ അമൻ പ്രീത് സിങ്ങ് മയക്കുമരുന്ന് കേസിൽ അറസ്റ്റിൽ. ഹൈദരാബാദ് പൊലീസാണ് അമനെ അറസ്റ്റുചെയ്തത്. കേസിൽ മറ്റുനാലുപേരെയും അറസ്റ്റ് ചെയ്തിട്ടുണ്ട്.
2.6 കിലോഗ്രാം കൊക്കൈൻ സഹിതം വിദേശികൾ ഉൾപ്പെട്ടെ മയക്കുമരുന്ന് റാക്കറ്റിനെ കഴിഞ്ഞദിവസം തെലങ്കാന നർക്കോട്ടിക്സ് വിഭാഗം പിടികൂടിയിരുന്നു. ഇതിന് പിന്നാലെ നടത്തിയ അന്വേഷണത്തിൽ ഇവരിൽ നിന്ന് അമൻ ഉൾപ്പെടെയുള്ളവർ കൊക്കൈൻ ഉപയോഗിച്ചതായി തെളിഞ്ഞതായി പൊലീസ് പറഞ്ഞു. തെലുങ്ക്, തമിഴ്, ഹിന്ദി സിനിമകളിൽ സജീവമായ നടി രാകുൽ പ്രീതിനെ മയക്കുമരുന്ന് കേസിൽ കഴിഞ്ഞവർഷം ഇഡി ചോദ്യംചെയ്തിരുന്നു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
