ന്യൂഡൽഹി
ഉത്തർപ്രദേശിൽ ആദിത്യനാഥിന്റെ ഭരണത്തിൽ സുപ്രധാന പദവികളിലെല്ലാം ഠാക്കൂർ വിഭാഗക്കാരെ കുത്തിനിറച്ചെന്ന റിപ്പോർട്ട്‌ പുറത്തുവിട്ട മാധ്യമപ്രവർത്തകന്‌ എതിരായ കേസിലെ തുടർനടപടി തടഞ്ഞ്‌ സുപ്രീംകോടതി. മാധ്യമപ്രവർത്തകനായ അഭിഷേക്‌ ഉപാധ്യായക്ക്‌ എതിരെ അറസ്റ്റ്‌ ഉൾപ്പടെയുള്ള നടപടികൾ പാടില്ലെന്ന്‌ ജസ്റ്റിസ്‌ ഹൃഷികേശ്‌റോയ്‌ അധ്യക്ഷനായ ബെഞ്ച്‌ ഉത്തരവിട്ടു. സർക്കാരിനെ വിമർശിച്ച മാധ്യമപ്രവർത്തകന്‌ എതിരെ ക്രിമിനൽക്കേസ്‌ അടിച്ചേൽപ്പിക്കുന്നത്‌ അംഗീകരിക്കാനാകില്ലെന്നും നിരീക്ഷിച്ചു. യുപി പൊലീസിന്റെ എഫ്‌ഐആറിൽ ആദിത്യനാഥിനെ ‘ദൈവത്തിന്റെ അവതാരം’ എന്നാണ്‌ പരാമർശിച്ചതെന്നും ഹർജിക്കാരൻ പറഞ്ഞു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
