അഹമ്മദാബാദ്
ഗുജറാത്തിലെ കച്ചിൽ അഗ്രോ ടെക് കമ്പനിയിലെ സംസ്‌കരണ പ്ലാന്റ് വൃത്തിയാക്കുന്നതിനിടെ വിഷവാതകം ശ്വസിച്ച് അഞ്ചു തൊഴിലാളികള്‍ മരിച്ചു. ഭക്ഷ്യ എണ്ണയും ബയോ ഡീസലും ഉത്പാദിപ്പിക്കുന്ന കമ്പനിയിൽ ബുധനാഴ്ച പുലര്‍ച്ചെയാണ് സംഭവം. ആദ്യം ടാങ്കിലിറങ്ങിയ തൊഴിലാളി ബോധരഹിതനായി. തുടര്‍ന്ന് രക്ഷാപ്രവര്‍ത്തനത്തിനിറങ്ങിയ നാലു പേരും മരിക്കുകയായിരുന്നു.
ഒക്ടോബര്‍ 12ന് മെഹ്‍സാനയില്‍ ഫാക്ടറി നിര്‍മാണത്തിനിടെ മണ്ണിടിഞ്ഞുവീണ് 9 തൊഴിലാളികള്‍ മരിച്ചിരുന്നു. 2021നുശേഷം 714 തൊഴിലാളികള്‍ വ്യവസായ മേഖലയിലെ അപകടത്തിൽ മരിച്ചതായാണ് ഗുജറാത്ത് സര്‍ക്കാരിന്റെ കണക്ക്.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
