ന്യൂഡൽഹി> ഖത്തറിൽനിന്ന് തിരുവനന്തപുരത്തേക്കുള്ള വിമാനം ചൊവ്വാഴ്ച ദോഹയിൽനിന്ന് പുറപ്പെടുമെന്ന് കേന്ദ്ര സർക്കാർ അറിയിച്ചു. ഞായറാഴ്ച സർവിസ് നടത്തുമെന്ന് പറഞ്ഞിരുന്നുവെങ്കിലും അവസാനനിമിഷം മുടങ്ങുകയായിരുന്നു. കഴിഞ്ഞദിവസം കോഴിക്കോട്ടേക്ക് ആളുകളെ കൊണ്ടുവന്ന വിമാനമായിരുന്നു തിരുവനന്തപുരത്തേക്ക് സർവിസ് നടത്തേണ്ടിയിരുന്നത്. എന്നാൽ, കരിപ്പൂരിൽനിന്ന് തിരിച്ച് ദോഹയിൽ ഇറങ്ങാൻ അനുമതി ലഭിക്കാത്തതിനാൽ സർവിസ് മുടങ്ങുകയായിരുന്നു.
സാങ്കേതിക കാരണങ്ങളാലാണ് സർവിസ് മുടങ്ങിയതെന്ന്‌ സർക്കാർ വിശദീകരിച്ചു. ഖത്തറിൽനിന്ന് കൂടുതൽ സർവിസുകൾ നടത്തുമെന്നും കേന്ദ്രം അറിയിച്ചു. പുരുഷൻമാരും ഗർഭിണികളടക്കം 96 സ്ത്രീകളടക്കമുള്ള 181 യാത്രക്കാരാണ് ഞായറാഴ്ച പോകേണ്ടിയിരുന്നത്. ഇവർ ദോഹ വിമാനത്താവളത്തിൽ എത്തിയെങ്കിലും നിരാശരായി മടങ്ങുകയായിരുന്നു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
