ബംഗളൂരൂ > രേണുകാസ്വാമി കൊലക്കേസില്‍ പ്രതികളായ കന്നട നടൻ ദർശന്റെയും പവിത്രയുടെയും ജാമ്യാപേക്ഷ ബംഗളൂരൂ സെഷൻസ് കോടതി തള്ളി. ജൂൺ 8ന് ചിത്രദുർഗ സ്വദേശി രേണുകസ്വാമിയെ തലയ്ക്കടിച്ചു കൊലപ്പെടുത്തി ബംഗളൂരൂ കാമാക്ഷിപാളയിലെ കനാലിൽ തള്ളിയ കേസിലെ ജാമ്യാപേക്ഷയാണ് തള്ളിയത്.
കൊലപാതകം നടന്ന സ്ഥലത്തു നിന്ന് തനിക്കെതിരെ തെളിവുകളൊന്നും ലഭിച്ചില്ലെന്ന ദർശന്റെ വാദത്തെ പൊലീസ് എതിർത്തു. ദർശന്റെ ചെരുപ്പിൽനിന്ന് രേണുകസ്വാമിയുടെ രക്തക്കറ കണ്ടെത്തിയതടക്കമുള്ള സാങ്കേതിക തെളിവുകളും ദൃസാക്ഷി മൊഴികളും ഉണ്ടെന്ന് പൊലീസ് വാദിച്ചു. തുടർന്ന് സെഷൻസ് കോടതി ഇരുവരുടെയും ജാമ്യാപേക്ഷ തള്ളുകയായിരുന്നു. നടൻ ദർശൻ നിലവിൽ ബെല്ലാരി ജയിലിലാണ്. കേസിൽ ഒന്നാം പ്രതിയാണ് പവിത്ര ഗൗഡ.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
