ന്യൂഡൽഹി> ബിസിസിഐ പ്രസിഡൻറും ഇന്ത്യൻ ക്രിക്കറ്റ് ടീം മുൻ ക്യാപ്റ്റനുമായ സൗരവ് ഗാംഗുലി രാഷ്‌ട്രീയ പ്രവേശനത്തിനൊരുങ്ങുന്നു. പുതുതായി ചിലത് ചെയ്യാൻ ആസൂത്രണം ചെയ്യുന്നെന്നും ജീവിതത്തിലെ പുതിയ അധ്യായത്തിൽ എല്ലാവരുടെയും പിന്തുണവേണമെന്നും സൗരവ് ട്വീറ്റ് ചെയ്തു.
1992ൽ തുടങ്ങിയ ക്രിക്കറ്റ് യാത്ര 30 വർഷം തികയുന്നു. ക്രിക്കറ്റ് എനിക്ക് ഒരുപാട് കാര്യങ്ങൾ നൽകി. അതിലേറ്റവും പ്രധാനം എല്ലാവരുടെയും പിന്തുണയാണ്. എൻറെ ഈ യാത്രയിൽ പിന്തുണക്കുകയും എന്നെ ഇന്നത്തെ നിലയിലെത്താൻ സഹായിക്കുകയും ചെയ്ത ഓരോരുത്തർക്കും ഞാൻ നന്ദി അറിയിക്കുന്നു. ഒരുപാട് പേർക്ക് സഹായകരമാകുന്ന പുതിയൊരു സംരംഭം തുടങ്ങാനാണ് ഇനി ഞാൻ ആലോചിക്കുന്നത്. എൻറെ ജീവിതത്തിൻറെ പുതിയ അധ്യായത്തിലേക്ക് കടക്കുമ്പോൾ നിങ്ങളുടെ എല്ലാവരുടെയും പിന്തുണ ഉണ്ടാവുമെന്ന് പ്രതീക്ഷിക്കുന്നു- ഗാംഗുലി ട്വീറ്റ് ചെയ്തു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
