ഗാങ്ടോക്ക്
കനത്ത മഴയിലുണ്ടായ മണ്ണിടിച്ചിലിൽ സിക്കിമിലെ നാഷണൽ ഹൈഡ്രോ ഇലക്ട്രിക് പവര്‍ കോര്‍പറേഷന്റെ (എൻഎച്ച്പിസി) പവര്‍ സ്റ്റേഷൻ തകര്‍ന്നു. 510 മെഗാവാട്ട് ടീസ്റ്റ സ്റ്റേജ് 5 അണക്കെട്ടിലെ പവര്‍ സ്റ്റേഷനാണ് തകര്‍ന്നത്. ആളപായമില്ല.
പവര്‍സ്റ്റേഷന് ചേര്‍ന്നുള്ള മലയിൽ കുറച്ചു ദിവസങ്ങളായി ചെറു മണ്ണിടിച്ചിലുകളുണ്ടായിരുന്നു. തുടര്‍ന്ന് മുൻകരുതലായി ഇവിടെ നിന്ന് ആളുകളെ ഒഴിപ്പിച്ചിരുന്നു. ചൊവ്വാഴ്ച രാവിലെ മലയുടെ വലിയ ഭാഗം ഇടിഞ്ഞു പവര്‍ സ്റ്റേഷനുമുകളിലേക്ക് വീഴുകയായിരുന്നു.
പവര്‍സ്റ്റേഷനു സമീപം ജോലിചെയ്യുന്ന തൊഴിലാളികള്‍ പകര്‍ത്തിയ മണ്ണിടിച്ചൽ ദൃശ്യം സമൂഹമാധ്യമങ്ങളിൽ വൈറലായി. 2023 ഒക്ടോബറിലെ മേഘസ്ഫോടനത്തെ തുടര്‍ന്നുണ്ടായ നാശനഷ്ടത്തിൽ സ്റ്റേജ് 5 അണക്കെട്ട് പ്രവര്‍ത്തനരഹിതമാണ്. സിക്കിമിലെ വലിയ ജലവൈദ്യുത പദ്ധതിയാണ് ചുങ്താങ്ങിലെ ടീസ്റ്റ അണക്കെട്ട്
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
