ലക്നൗ > രണ്ടുപേർ ചേർന്ന് കാറിനുള്ളിൽ വച്ച് യുവതിയെ അതിക്രൂരമായി പീഡിപ്പിച്ചു. പീഡന ദൃശ്യങ്ങൾ മൊബൈലിൽ പകർത്തിയ ശേഷം, പ്രതികൾ യുവതിയെ റോഡിൽ ഉപേക്ഷിച്ചു. ആഗ്ര-ലഖ്നൗ എക്സ്പ്രസ് വേയിലായിരുന്നു സംഭവം. 20കാരിയുടെ പരാതിയിൽ പൊലീസ് കേസെടുത്തു.
പരീക്ഷ എഴുതാതെ സർട്ടിഫിക്കറ്റ് ലഭിക്കുമെന്ന അറിയിപ്പ് സാമൂഹിക മാധ്യമത്തിലൂടെയാണ് അറിഞ്ഞ യുവതി, രാഗേഷ് എന്നയാളെ ബന്ധപ്പെട്ടു. ഇയാൾ 30000 രൂപ ആവശ്യപ്പെടുകയും, യുവതി 15000 രൂപ ബാങ്ക് അക്കൗണ്ടിലൂടെ നൽകുകയും ചെയ്തു. പകരമായി ഒരു സർട്ടിഫിക്കേറ്റ് അയച്ചു കൊടുത്തു. കൂടുതൽ രേഖകൾക്കായി യുവതിയോട് ലക്നൗവിലേക്ക് വരാൻ പറഞ്ഞു. യുവതി മേയ് 10-ന് ലക്നൗവിൽ എത്തി. തുടർന്ന് രാഗേഷും സുഹൃത്ത് ശ്രീനിവാസ് എന്നയാളും ആളൊഴിഞ്ഞ സ്ഥലത്ത് എത്തിച്ച് ബലാത്സംഗം ചെയ്യുകയായിരുന്നു. വിവരം പുറത്തുപറഞ്ഞാൽ ദൃശ്യങ്ങൾ സാമൂഹ്യമാധ്യമങ്ങൾ വഴി പ്രചരിപ്പിക്കുമെന്ന് ഭീഷണിപ്പെടുത്തുകയും ചെയ്തു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
