പട്ന > പട്നയിൽ മെട്രോ നിർമാണ സ്ഥലത്തുണ്ടായ അപകടത്തിൽ 2 തൊഴിലാളികൾ മരിച്ചു. 8 പേർക്ക് പരിക്കേറ്റു. പട്നയിലെ അശോക് രാജ്പഥിലെ എൻഐടി എക്സിറ്റിനു സമീപമാണ് അപകടമുണ്ടായത്. ലോക്കോമോട്ടീവ് ഓപ്പറേറ്റർ ഉൾപ്പെടെ 2 തൊഴിലാളികളാണ് മരിച്ചത്. പരിക്കേറ്റവരെ പട്ന മെഡിക്കൽ കോളേജ് ആശുപത്രിയിൽ പ്രവേശിപ്പിച്ചിരിക്കുകയാണ്.
ലോഡുചെയ്ത ലോക്കോമോട്ടീവ് പിക്കപ്പിൻറെ ബ്രേക്ക് തകരാറിലായതിനെത്തുടർന്ന് നിയന്ത്രണം വിട്ട് തൊഴിലാളികൾക്കിടയിലേക്ക് പാഞ്ഞുകയറുകയായിരുന്നു. രാത്രി ഷിഫ്റ്റിനിടെയാണ് അപകടം നടന്നത്. അപകടസമയത്ത് 25ഓളം തൊഴിലാളികൾ സ്ഥലത്തുണ്ടായിരുന്നു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
