മസ്കത്ത് > ഒമാനിൽ പള്ളിക്ക് സമീപമുണ്ടായ വെടിവയ്‌പ്പിൽ നാലുപേർ മരിച്ചു. നിരവധി പേർക്ക് പരിക്കേറ്റു. ഒമാനിലെ വാദി അൽ കബീർ മസ്ജിദിന്റെ പരിസരത്താണ് വെടിവയ്പ്പുണ്ടായത്. പുലർച്ചെയോടെയായിരുന്നു സംഭവം. നിരവധി റൗണ്ട് വെടിയുതിർത്തതായി റോയൽ ഒമാൻ പൊലീസ് പറഞ്ഞു. സ്ഥിതിഗതികൾ നിന്ത്രണ വിധേയമാണെന്നും അന്വഷണം പുരോഗമിക്കുകയാണെന്നും റോയൽ ഒമാൻ പൊലീസ് പ്രസ്താവനയിൽ പറഞ്ഞു.
മരിച്ചവരെക്കുറിച്ചുള്ള കൂടുതൽ വിവരങ്ങളും വെടിവയ്‌പ്പിന്റെ മറ്റ് വിശദാംശങ്ങളും ലഭ്യമായിട്ടില്ല. മസ്ജിദിൽ പ്രാർഥനയ്ക്കെത്തിയവർക്ക് നേരെ അക്രമിസംഘം വെടിയുതിർക്കുകയാണെന്നാണ് പ്രാഥമിക വിവരം.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
