ദുബായ് > അഹമ്മദ് അഷ്‌റഫിന്റെ ഓർമക്കായി എൽ ബി എസ്സ് കോളേജ് ഓഫ് എഞ്ചിനീയറിംഗ് യുഎ ഇ അലുംനി (സീക്ക)യുടെ നേതൃത്വത്തിൽ അക്കാഫ് സോക്കർ ലീഗ് 2024 സംഘടിപ്പിച്ചു. അക്കാഫ് പ്രസിഡന്റ് ചാൾസ് പോളും ചെയർമാൻ ഷാഹുൽ ഹമീദും ചേർന്ന് ടൂർണമെന്റ് ഉദ്‌ഘാടനം ചെയ്തു . നവംബർ 17 ഞായർ ദുബായ് അബുഹയിൽ സ്റ്റേഡിയത്തിൽ നടന്ന വാശിയേറിയ മത്സരത്തിൽ അക്കാഫിനു കീഴിലെ ഇരുപത്തിനാല് കോളേജ് അലുംനികൾ അണിനിരന്നു. മത്സരത്തിൽ മടപ്പള്ളി ഗവണ്മെന്റ് കോളേജ് അലുംനി ഒന്നാം സ്ഥാനവും ശ്രീകൃഷ്‌ണ കോളേജ് ഗുരുവായൂർ അലുംനി രണ്ടാം സ്ഥാനവും നേടി. സംഘടനാ മികവും സമയക്രമവും നിഷ്കർഷമായി പാലിച്ച മത്സരം കാണികളിൽ ഏറെ ആവേശം ഉണർത്തി. കുട്ടികൾകായുള്ള എക്സിബിഷൻ മാച്ചസും വനിതകൾക്കുമായി ഒരുക്കിയ പെനാൽറ്റി ഷൂട്ടൗട് മത്സരങ്ങളും ആവേശജനകമായിരുന്നു. ടൂർണമെന്റിൽ മികച്ച ഗോൾ കീപ്പറായി തുബുവും മികച്ച കളിക്കാരനായി ആൻസിലും തെരെഞ്ഞെടുക്കപ്പെട്ടു.
എൽബിഎസ് സിഇകെ ജനറൽ കൺവീനർ തജിൻ തോമസ്, സംഘാടകരായ ഉല്ലാസ്, ഷെറീഫ്, നിഷാന്ത് , ഉമൈദ്, ഉബൈസ് , ജോം , ഇർഫാൻ , ഇഷാം, ദിലീപ് , ഗ്രിഗറി, അഭിലാഷ് ,അശ്വിൻ കൂടാതെ പ്രസിഡന്റ് നിഷാത് ഗോപാൽ , സെക്രട്ടറി ജസീം,ട്രഷറർ അനൂപ് , ഉണ്ണി (കാർണിവൽ) തുടങ്ങി നിരവധി പ്രവർത്തകരുടെ പ്രയത്നം ടൂർണമെന്റിന്റെ വിജയത്തോടെ സാക്ഷാത്കരിക്കുകയായിരുന്നു. അക്കാഫ് ചെയർമാൻ ഷാഹുൽ ഹമീദ്, പ്രസിഡന്റ് ചാൾസ് പോൾ, ജനറൽ സെക്രട്ടറി വി എസ് ബിജു കുമാർ,ട്രെഷറർ ജൂഡിൻ ഫെർണാണ്ടസ്, സെക്രട്ടറി മനോജ് കെ വി ,ചീഫ് കോഓർഡിനേറ്റർ അനൂപ് അനിൽ ദേവൻ, വനിതാ വിഭാഗം ചെയർ പേഴ്സൺ റാണി സുധീർ, പ്രസിഡന്റ് വിദ്യ പുതുശ്ശേരി, തുടങ്ങിയവരുടെ നേതൃത്വം ടൂർണമെന്റ് വിജയകരമായി നടത്താൻ സഹായകമായി.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
