സലാല > ഇന്ത്യൻ എംബസി കോൺസുലാർ ക്യാമ്പ് ഈ മാസം 29ന് സലാലയിൽ നടക്കും. കോൺസുലർ, കമ്മ്യൂണിറ്റി വെൽഫെയർ, വിസ, അറ്റസ്‌റ്റേഷൻ, തുടങ്ങിയവയുമായി ബന്ധപ്പെട്ട സേവനങ്ങളും ക്യാമ്പിൽ ലഭ്യമാകുമെന്ന് ഇന്ത്യൻ എംബസി കൗൺസിലർ എജൻ്റ് ഡോ കെ സനാതനൻ അറിയിച്ചു.
സലാല ഇന്ത്യൻ സോഷ്യൽ ക്ലബ് പരിസരത്ത് 29ന് രാവിലെ 8:30 മുതൽ വൈകിട്ട് 4:30 വരെയാണ് ക്യാമ്പ്. സലാലയിലും സമീപ പ്രദേശങ്ങളിലുമുള്ള ഇന്ത്യൻ പൗരന്മാർക്ക് മുൻകൂർ അപ്പോയിന്റ്‌മെന്റ് ഇല്ലാതെ തന്നെ ക്യാമ്പിൽ കോൺസുലാർ സേവനങ്ങൾ പ്രയോജനപ്പെടുത്താം.
വൈകുന്നേരം 5:30ന് ആരംഭിക്കുന്ന ഓപ്പൺ ഹൗസ് ഏഴ് മണി വരെ തുടരും. ഇന്ത്യൻ അംബാസഡർ അമിത് നാരംഗ് നേതൃത്വം നൽകും.
ഓപ്പൺഹൗസിൽ ഇന്ത്യൻ പൗരൻമാർക്ക് തങ്ങളുടെ പരാതികളും ആവശ്യങ്ങളും ഉന്നയിക്കാം. അന്വേഷണങ്ങൾക്ക് എംബസി ഹെൽപ്പ് ലൈൻ നമ്പറായ 98282270, ഇന്ത്യൻ സോഷ്യൽ ക്ലബ് സലാല നമ്പർ 91491027 23235600 എന്നിവയിൽ ബന്ധപ്പെടാം.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
